ഇന്നു ധാരാളം ആളുകള് ഉപയോഗിക്കുന്ന ഇന്റര്നെറ്റ് സോഷ്യല് നെറ്റ്വര്ക്കുകളാണല്ലോ ഫെയ്സ്ബുക്ക്, ഓര്ക്കുട്ട് തുടങ്ങിയവ. ഇത്തരം സൗഹാര്ദ കൂട്ടായ്മകളില് ധാരാളം സ്ത്രീ-പുരുഷന്മാര് ബന്ധം സ്ഥാപിക്കുന്നുണ്ട്. വളരെ ആത്മാര്ഥമായുള്ള തുറന്ന ആരോഗ്യകരമായ സ്ത്രീ-പുരുഷ സൗഹൃദങ്ങള് ഇത്തരം സൈറ്റുകളിലൂടെ ഉണ്ടാവുന്നുണ്ട്. അന്യസ്ത്രീ-പുരുഷന്മാര് ഉണ്ടാക്കുന്ന ഇത്തരം സൗഹൃദങ്ങള് മതവിരുദ്ധമല്ലേ?
ഒരു സ്ത്രീ അന്യപുരുഷനോടോ, പുരുഷന് അന്യസ്ത്രീയോടോ യാതൊന്നും സംസാരിക്കാനോ, കത്തിടപാട് നടത്താനോ പാടില്ലെന്ന് അല്ലാഹുവോ റസൂലോ(സ) വിധിച്ചിട്ടില്ല. സംഭാഷണത്തിന്റെ വികസിത രൂപമാണല്ലോ നെറ്റ്ചാറ്റിംഗ്. കത്തിടപാടിന്റെ ഡിജിറ്റല് വികാസമാണ് ഫെയ്സ്ബുക്ക് മുതലായവ. സംഭാഷണവും കത്തെഴുത്തും ഹറാമായ കാര്യങ്ങളല്ലെങ്കിലും നിഷിദ്ധമായ പലതിലേക്കും വഴുതിപ്പോകാനുള്ള സാധ്യത ഒഴിവാക്കേണ്ടത് ഇസ്ലാമികമായ ബാധ്യതയാകുന്നു. `നിങ്ങള് വ്യഭിചരിക്കരുത്' എന്നു മാത്രമല്ല `നിങ്ങള് വ്യഭിചാരത്തോട് അടുക്കരുത്' എന്നു കൂടി അല്ലാഹു (വി.ഖു 17:32) വിലക്കിയിട്ടുണ്ട്.
പ്രവാചകപത്നിമാരോട് അല്ലാഹു അനുശാസിച്ചത് ഇപ്രകാരമാകുന്നു: ``പ്രവാചക പത്നിമാരേ, സ്ത്രീകളില് മറ്റാരെപ്പോലെയുമല്ല നിങ്ങള്. ധര്മനിഷ്ഠ പാലിക്കുന്നുവെങ്കില് നിങ്ങള് (അന്യരോട്) അനുനയ സ്വരത്തില് സംസാരിക്കരുത്. അപ്പോള് ഹൃദയത്തില് രോഗമുള്ളവന് മോഹം തോന്നിയേക്കും. ന്യായമായ വാക്ക് നിങ്ങള് പറഞ്ഞുകൊള്ളുക'' (വി.ഖു 33:32). ഈ സൂക്തത്തിലെ മാര്ഗനിര്ദേശം സാധാരണ സംഭാഷണത്തിന് മാത്രമല്ല ആശയവിനിമയത്തിന്റെ ആധുനികരീതികള്ക്ക് കൂടെ ബാധകമാകുന്നു. അതായത് തികച്ചും ന്യായമായ ആവശ്യത്തിന് ഇന്റര്നെറ്റിലൂടെ ആശയവിനിമയം നടത്താം. എന്നാല് മോശമായ പരിണതികളിലേക്ക് അത് നയിക്കാന് ഇടയാകരുത്.
`വളരെ ആത്മാര്ഥതയുള്ള തുറന്ന ആരോഗ്യകരമായ സ്ത്രീപുരുഷ സൗഹൃദങ്ങള്' എന്നത് മോഹിപ്പിക്കുന്ന ഭംഗിവാക്ക് മാത്രമാണ്. `ആഗോള വല'യില് സൈറ്റുകള് സ്ഥാപിച്ചു പതിയിരിക്കുന്ന സൗഹൃദ വേഷക്കാരാല് പിഴപ്പിക്കപ്പെടുകയും ചൂഷണം ചെയ്യപ്പെടുകയും കബളിപ്പിക്കപ്പെടുകയും ചെയ്തവര്ക്ക് കയ്യും കണക്കുമില്ല എന്ന യാഥാര്ഥ്യം മാധ്യമ നിരീക്ഷകര്ക്കെല്ലാം അറിയാവുന്നതാണ്. സ്ത്രീകള് മാത്രമല്ല ലക്ഷക്കണക്കില് പുരുഷന്മാരും നെറ്റിലൂടെ കബളിപ്പിക്കപ്പെട്ടിട്ടുണ്ട്. ഒരു സത്യവിശ്വാസിക്ക് ദ്രോഹപദ്ധതികള് ഉണ്ടാകാന് പാടില്ല എന്നതുപോലെത്തന്നെ പ്രധാനമാണ് ഇതരരുടെ ദ്രോഹപദ്ധതികളുടെ ഇരയാകാതിരിക്കാന് അയാള് ജാഗ്രത പുലര്ത്തണം എന്നതും.
Thanks, bother.
ReplyDeleteYour thoughts are really stimulating the thoughts for realizing the facts.
We expect more from you. Please come up with this like views which are really suit to the current world.
May Allah bless you to deliver more to the public in similar way.
May Allah help us always in all the efforts made in His path...
Your brother in Islam,
Wa ssalam...